Bir müddət əvvəl Ağstafada ilan sancan 7 aylıq hamilə ana olub.

Bu barədə "Report"a Kliniki Tibbi Mərkəzdən (KTM) məlumat verilib.

Bildirilib ki, qadının ilan sancması səbəbilə Ağstafa rayonundan Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunan pasiyentin körpəsi elə KTM-də dünyaya gəlib.

Oktyabrın 31-də Ağstafa rayonundan KTM-in doğum şöbəsinə gətirilən qadın fəsadlaşmış analıq anamnezi ilə Ginekoloji Patologiya şöbəsinə qəbul olunub. Daxil olduğu gündən noyabrın 6-na qədər ana müvafiq müayinələrdən keçib və stasionar şəkildə müalicələr alıb.

Noyabrın 6-da isə ananın və dölün perinatal mühafizəsi məqsədilə tibbi göstərişlərə əsasən hamiləlik keysəriyyə kəsiyi əməliyyatı ilə sonlandırılıb.

Çəkisi 3 kq, boyu 51 sm olan oğlan uşağı dünyaya gəlib.

Mərkəzdən bidirilib ki, hazırda ananın və körpənin vəziyyəti kafidir.

Oxşar xəbərlər

Sumqayıtda ilan sancan qadın Bakıya təxliyə edilib - YENİLƏNİB

Tovuzda ilan sancan qadın ölüb

Azərbaycanda 2024-cü ilin ilk körpəsi dünyaya gəldi

Ötən ay KTM-ə zəhərlənmə səbəbilə 103 nəfər qəbul edilib, 4-ü ölüb

Ötən ay KTM-in Toksikologiya şöbəsinə zəhərlənmə səbəbilə 101 nəfər qəbul edilib