Ötən il məktəbəqədər təhsil müəssisələrində (uşaq bağçası) 51 min 7 uşaqda xəstələnmə halları qeydə alınıb.

“Sizinxeber.az”un əldə etdiyi məlumata görə, bu, “Azərbaycanda təhsil, elm və mədəniyyət" məcmuəsində öz əksini tapıb.

Ən çox xəstələnmə halı qrip və yuxarı tənəffüs yollarının kəskin infeksiyası ilə bağlı olub. Belə ki, bu göstərici 29 896 nəfər təşkil edib.

Digər xəstələnmə hallarına gəlincə, 15 192 uşaqda angina (kəskin tonzillit), 51-də bədbəxt hadisə, zəhərlənmə və zədələr, 204-də pnevmaniya, 154-də bakterial dizenteriya, 495-də skarlatina, 5 015-də isə digər xəstəliklər qeydə alınıb.

Ümumi xəstələnmə hallarının içərisində 3 və yuxarı yaşda olan uşaqların sayı 41 715 nəfər olub.

Qeyd edək ki, bu gün Azərbaycanda 1 857 uşaq bağçası fəaliyyət göstərir.

Oxşar xəbərlər

Ötən il Azərbaycanda qeydə alınan ana və körpə ölümlərinin sayı açıqlanıb

Konqoda bu il 15 mindən çox insan meymunçiçəyinə yoluxub