Meymunçiçəyi (mpox) ilə mübarizə altı ay ərzində 135 milyon dollar maliyyə tələb edəcək.

“Sizinxeber.az” xəbər verir ki, bunu Ümumdünya Səhiyyə Təşkilatının (ÜST) Baş direktoru Tedros Adanom Qebreyesus bəyan edib.

Cenevrədə diplomatik brifinqdə çıxış edən o, mpox xəstəliyinin yayılmasına qarşı hərtərəfli və əlaqələndirilmiş beynəlxalq reaksiyaya ehtiyac olduğunu bildirib.

“Bu işi maliyyələşdirmək və epidemiyanı mümkün qədər tez dayandırmaq üçün ilkin hesablamalarımız belədir ki, strateji hazırlıq və cavab tədbirləri planı növbəti altı ay ərzində epidemiyanın kəskin mərhələsi üçün təxminən 135 milyon dollar tələb edəcək. Artan ehtiyaclar fonunda bu məbləğin yüksələcəyi ehtimal edilir”.

Onun sözlərinə görə, ÜST 2024-cü ildə mpox ilə mübarizə üçün fövqəladə ehtiyat fondundan təxminən 1,5 milyon dollar ayırıb və yaxın günlərdə donor maliyyəsi gələnə qədər bu məqsədlə daha çox vəsait ayırmağı planlaşdırır.

Oxşar xəbərlər

Konqo meymunçiçəyi ilə mübarizəyə 49 milyon dollar ayıracaq

ABŞ pandemiyalarla mübarizə fonduna 667 milyon dollar ayıracaq

Harrisin qərargahı bəzi ştatlarda kampaniyaya 370 milyon dollar xərcləyəcək

Gürcüstanın altı ayda turizmdən əldə etdiyi gəlir rekord həddə – 1,9 milyard dollar təşkil edib

Çin daşqından zərər çəkmiş bölgələrə yardım üçün 65 milyon dollar ayırıb