İqtisadiyyat nazirinin birinci müavini Elnur Əliyev Çin Xalq Siyasi Məşvərət Konfransının Quandonq Əyaləti Komitəsinin sədri Lin Kıçinq ilə görüşüb.

Bu barədə "Report"a İqtisadiyyat Nazirliyindən məlumat verilib.

Bildirilib ki, görüşdə Azərbaycan-Çin münasibətlərinin strateji tərəfdaşlıq səviyyəsinə yüksəldiyi vurğulanıb. Qeyd olunub ki, Çinlə iqtisadi-ticarət, həmçinin investisiya əməkdaşlığı güclənir. Ölkədə sənaye, kənd təsərrüfatı, nəqliyyat, tikinti, ticarət, xidmət sahələri üzrə 320-dək Çin şirkəti fəaliyyət göstərir. Çin şirkətləri ölkəmizdə həyata keçirilən layihələrdə aktiv iştirak edir. Bununla belə, işbirliyi potensialı genişdir.

Ölkənin əlverişli işgüzar mühiti, qarşılıqlı faydalı tərəfdaşlığın inkişafı istiqamətləri haqqında məlumat verilib. Çinlə, o cümlədən, bu ölkənin Quandonq əyaləti ilə müxtəlif istiqamətlər üzrə iqtisadi tərəfdaşlıq üçün geniş potensial diqqətə çatdırılıb.

Tərəflər ticarət, sənaye, investisiya, nəqliyyat-tranzit və digər istiqamətlər üzrə əməkdaşlığın inkişafını müzakirə ediblər.

Oxşar xəbərlər

Bay Minqşao: “Çinin Quandonq bölgəsi Azərbaycanla əlaqələrin inkişafında maraqlıdır”

Azərbaycan və İtaliya ticarət və sənaye sahələrində əməkdaşlığı genişləndirir

Azərbaycan və Çin qeyri-neft sektoruna birbaşa investisiya cəlb edilməsi ilə bağlı danışıqlar aparır

Elnur Əliyev: “Çin Azərbaycanın 4-cü ən böyük ticarət tərəfdaşına çevrilib”

Baş nazir Əli Əsədov Serbiyanın mədəniyyət naziri ilə görüşüb