Pekin Xarici Dillər Universitetinin Azərbaycan dili müəllimi Yuhuan Tanq Azərbaycan dili və mədəniyyətinə olan heyrətamiz sevgi hekayəsini bölüşüb.

O, “Sizinxeber.az”un Pekinə ezam olunmuş müxbiri ilə söhbətində Azərbaycan dilinin onun həyatını köklü şəkildə dəyişdiyini vurğulayıb.

Y.Tanq yeddi il bundan əvvəl Pekin Xarici Dillər Universitetinin tələbəsi olarkən Azərbaycan dilini öyrənməyə başlayıb. Universiteti bitirdikdən sonra o, Bakıdakı Xəzər Universitetində təhsilini davam etdirməyə qərar verib və orada iqtisadiyyat və Azərbaycan dili üzrə magistr dərəcəsi alıb.

"Xəzərin sahilində keçirdiyim iki il həyatımın ən xoş xatirələrindən biri oldu. Mən təkcə Azərbaycan dilini mükəmməl şəkildə öyrənmədim, həm də mənim üçün ikinci ailəyə çevrilən bir çox dostlar qazandım", - Y.Tanq qeyd edib.

Y.Tanq artıq bir ildir ki, Pekin Xarici Dillər Universitetində Azərbaycan dili müəllimi işləyir. O, həyatını Çində Azərbaycan dili və mədəniyyətinin tədrisi və populyarlaşdırılmasına həsr etməkdən xoşbəxt olduğunu söyləyib.

Oxşar xəbərlər

BDU-nun baş müəllimi vəfat edib

Din Tao: Çin azərbaycanlı turistlərin ölkəyə girişini sadələşdirməyə çalışır

Növbəti xarici dillər üzrə fəlsəfə doktoru imtahanı dekabrın 1-də keçiriləcək

Xaricdə yaşayan azərbaycanlılar üçün Azərbaycan dili dərsliyi çap olunacaq

UNESCO-nun Türkiyə Milli Komissiyasının sədri: Dünyada digər dillər kimi, Türk dili Günü də qeyd edilməlidir