Azərbaycanın Albaniyadakı səfiri Anar Hüseynov müasir Ermənistan ərazilərində azərbaycanlıların olmamasının tarixi səbəblərinə həsr olunmuş kitabçanın alban dilində nəşr olunduğunu bildirib. Kitab azərbaycanlılara qarşı hücumları və təhdidləri, onların mədəni irsinin silinməsini və vətənə qayıtmaq üçün göstərilən səyləri əhatə edir.

“Sizinxeber.az” xəbər verir ki, bu barədə səfir sosial şəbəkədə yazıb.

Səfir postunda Beynəlxalq Münasibətlərin Təhlili Mərkəzi (BMTM) və Avrasiya Araşdırmaları Mərkəzi (AAM) tərəfindən hazırlanmış “Müasir Ermənistan ərazilərində nəyə görə azərbaycanlılar yoxdur?” adlı bukletin nəşr olunduğunu bildirib. Albanca olan bu nəşr vəziyyətin tarixi icmalını, o cümlədən azərbaycanlılara qarşı hücumları və təhdidləri, onların mədəni irsinin silinməsini, həmçinin tarixi vətənlərinə qayıtmaq üçün göstərilən səyləri və bunun hüquqi əsaslarını təqdim edir.

Diplomat bu nəşrin yerli oxuculara və tədqiqatçılara regiondakı hadisələri və reallıqları daha yaxşı anlamağa kömək edəcəyinə ümidvar olduğunu deyib.

Oxşar xəbərlər

Əziz Ələkbərli: Ermənistan Azərbaycan mədəni irsinin vəziyyətinin araşdırılması üçün UNESCO-nun missiya göndərməsinə icazə vermir

Ermənistan Qərbi azərbaycanlıların öz yurdlarına qayıtmalarına süni əngəllər yaratmamalıdır - RƏY

"Qurdoğlu" tarixi romanı nəşr olunub

Tədqiqatçı: Qərbi azərbaycanlıların qayıdış hüququnun bərpası digər xalqlara nümunə olacaq

BP Azərbaycanın ədəbi gəncliyinə daha bir dəstək göstərib