Fransa müstəmləkələrindən olan media nümayəndələri ilə Bakı Təşəbbüs Qrupunun rəhbərliyi arasında görüş keçirilib.

BTQ-dən APA-ya verilən xəbərə görə, görüş zamanı iştirakçılara təşkilatın fəaliyyəti, məqsəd və istiqamətləri barədə ətraflı məlumat təqdim edilib.

Eyni zamanda, son iki il ərzində təşkilatın beynəlxalq səviyyədə həyata keçirdiyi layihələr barədə videoçarx nümayiş etdirilib.

BTQ-nin rəhbəri Abbas Abbasov son vaxtlar təşkilatın saytına və sosial şəbəkə profillərinə kütləvi kiber hücumlar olduğunu, xarici müdaxilələrin həddindən artıq artdığını bildirib. Bu xüsusda, xarici müdaxilələri əks etdirən və real faktlar əsasında hazırlanmış video jurnalistlərə təqdim olunub.

Görüşdə həmçinin, Fransa rəsmilərinin və bu ölkənin KİV-nin Azərbaycan və BTQ əleyhinə məqsədli şəkildə səsləndirdiyi qərəzli və qeyri-obyektiv tezislərə cavablar verilib. Abbas Abbasov bildirib ki, elə xarici jurnalistlərin səfərinin təşkil edilməsinin məqsədlərindən birinin bu qərəzli ittihamların həqiqəti əks etdirmədiyini əyani sübut etmək olduğunu çatdırıb.

Qeyd edək ki, 12 xarici media nümayəndəsi səfər çərçivəsində çoxsaylı görüşlər keçirəcək və kommunikasiya sahəsində xüsusi təlimlərə cəlb ediləcəklər.

Oxşar xəbərlər

Bakıda Fransa və Niderlandın müstəmləkəçiliyi altında olan Sen Martin adasına həsr olunmuş beynəlxalq konfrans keçirilib - FOTO - YENİLƏNİB

Dünya Hakimlərinin Baş Assambleyası gələn il Azərbaycanda keçiriləcək

AK Partiya sözçüsü: Fransa terrorla mübarizədə ikili standart nümayiş etdirir

Ceyhun Bayramov AQEM-in Baş katibi ilə görüşüb

Yeni Kaledoniyada Fransa müstəmləkəsi olan ərazilərin ilk konqresi keçirilir - FOTO - VİDEO