Ölkələr qeyri-rəsmi məskunlaşma sahələrini aradan qaldırmalı, yeni evlər tikməlidilər.

"Report" xəbər verir ki, bunu BMT-nin Məskunlaşma Proqramının (UN-Habitat) icraçı direktoru Anaklaudiya Rossbax Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunmuş "Mənzil Maliyyələşdirilməsi üçün Yeni Razılaşma" adlı tədbirdə bildirib.

Onun sözlərinə görə, mənzil probleminin və mənzil böhranının necə həll olunacağı ilə bağlı cəmiyyətlə razılığa gəlmək lazımdır: "Qeyri-rəsmi məskunlaşma sahələrini aradan qaldırmalıyıq, yeni evlər tikməliyik, bu yeni evləri necə, hansı tipdə tikəcəyimizi müəyyən etməliyik. Söhbət təcrid olunmuş şəhər genişlənməsindən gedir, yoxsa "Yeni Şəhərsalma Gündəliyi"nin prinsiplərinə uyğun olaraq balanslaşdırılmış sıxlaşma, daha kompakt şəhərlər və s. kimi məsələlərdən gedir? Çünki bütün bunların xərclərimizə təsiri olacaq. Torpaq və mənzil dəyər zəncirinin ən bahalı resursudur. Buna görə nə etdiyimiz çox vacibdir və bu mənada cəmiyyətin dəstəyini almaq kritik əhəmiyyət kəsb edir".

Oxşar xəbərlər

Anaklaudiya Rossbax: "Mənzil probleminin həllində əsas məsələ daxili maliyyədir"

UN-Habitat: Davamlılıq milli mənzil siyasətlərində əsas prioritetə çevrilib

UN-Habitat: Şəhərlər hazırki iqlim münaqişələrinin ön xəttindədir

Anaklaudia Rossbax: "Adekvat mənzil anlayışı iqlim risklərini də əhatə etməlidir"

UN-Habitat: Ölkələr milli mənzil siyasətlərini yeniləməlidir