Xarici işlər naziri Ceyhun Bayramov ATƏT-in Nazirlər Şurasının 31-ci iclasında iştirakı çərçivəsində Andorra Knyazlığının xarici işlər naziri İmma Tor Faus ilə görüşüb.

APA xəbər verir ki, bu barədə Azərbaycan XİN məlumat yayıb.

Bildirilib ki, görüşdə iki ölkə arasında ikitərəfli və çoxtərəfli münasibətlərin inkişaf perspektivləri, COP29 sədrliyimizdən irəli gələn məsələlər, habelə regional və beynəlxalq gündəlikdə duran məsələlər müzakirə olunub.

Nazir Ceyhun Bayramov ölkəmizin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) sədrliyi, sessiyanın nəticələri barədə məlumat verib, xüsusilə iqlim maliyyəsi olmaqla vacib qərarların əldə olunduğunu diqqətə çatdırıb. Bununla yanaşı, Andorranın sədrliyimiz tərəfindən iqlim dəyişmələri ilə mübarizə sahəsində irəli sürdüyü 9 bəyanatdan 6-na qoşulmasının məmnunluq doğurduğu vurğulanıb.

Qarşı tərəf, həmçinin regiondakı cari vəziyyət, işğaldan azad olunmuş ərazilərdə aparılan genişmiqyaslı bərpa və quruculuq işləri, habelə Azərbaycan və Ermənistan arasında normallaşma prosesinin gedişatı barədə ətraflı məluamtlandırılıb.

Görüşdə həmçinin qarşılıqlı maraq doğuran digər məsələlərə dair fikir mübadiləsi aparılıb.

***
20:01

Azərbaycan Respublikasının xarici işlər naziri Ceyhun Bayramov Andorranın Xarici İşlər Naziri Imma Tor Faus ilə görüşüb.

APA xəbər verir ki, bu barədə Azərbaycan XİN-İin “X” platformasındakı paylaşımında bildirilib.

Görüş Maltada Avropada Təhlükəsizlik və Əməkdaşlıq Təşkilatının (ATƏT) Xarici İşlər Nazirləri Şurasının 31-ci iclası çərçivəsində baş tutub.

İkitərəfli əlaqələrin cari vəziyyəti və əməkdaşlığın perspektivləri müzakirə edilib.

Görüşdə əməkdaşlığın gücləndirilməsi üçün siyasi dialoqun və mütəmadi siyasi məsləhətləşmələrin əhəmiyyəti vurğulanıb.

Oxşar xəbərlər

Ceyhun Bayramov Norveç Krallığının beynəlxalq inkişaf naziri ilə görüşüb

Ceyhun Bayramov İsrail XİN-in baş direktoru ilə görüşüb

Ceyhun Bayramov və Keniyanın Baş naziri Musalia Mudavadi arasında görüş keçirilib - FOTO

Ceyhun Bayramov Estoniyanın xarici işlər naziri Marqus Tsaxna ilə görüşüb

Azərbaycanın XİN başçısı kolumbiyalı həmkarı ilə görüşüb