Keniya ölkədə su təchizatı, sanitariya və kənd təsərrüfatı infrastrukturunun inkişafı üçün Azərbaycanın təcrübəsindən istifadə etməkdə maraqlıdır.

“Report” xəbər verir ki, bu barədə Keniyanın Su təchizatı, Sanitariya və Suvarma Nazirliyinin “X” sosial şəbəkəsində hesabında paylaşım edilib.

Məlumata görə, Azərbaycanın Keniyadakı səfiri Sultan Hacıyev nazirliyin rəsmiləri ilə görüş keçirib, görüşdə əməkdaşlıq məsələləri müzakirə olunub.

“Biz Keniyada su təchizatı, sanitariya və kənd təsərrüfatı infrastrukturunun inkişafı üçün Azərbaycanın təcrübəsindən istifadə etməkdə maraqlıyıq”, - paylaşımda qeyd edilib.

Oxşar xəbərlər

İlhamə Qədimova: “Son 5 ildə suvarma sistemlərinin qurulmasına 93 milyon manat subsidiya ayrılıb”