Peru Respublikasının Konqresində “Parlamentdə Birinci Beynəlxalq Elmi-Mədəni Görüş” adlı sərgi keçirilib.

Azərbaycanın Meksikadakı Səfirliyindən “Sizinxeber.az”a verilən məlumata görə, tədbirdə iyirmidən çox ölkənin səfirliklərinin nümayəndələri iştirak edib.

Sərginin açılış mərasimində Peru Konqresi Sədrinin ikinci müavini Valdemar Serron Roxas, konqresmenlər - Flavio Kruz Mamami, Elizabet Taipe Koronada, həmçinin Azərbaycan, Malayziya, Yaponiya və Boliviya səfirliklərinin nümayəndələri çıxış ediblər.

Azərbaycan nümayəndəsi çıxışında ölkəmizin zəngin mədəni irsi, turizm imkanları və təqaüd proqramları barədə iştirakçılara məlumat verib.

Azərbaycan stendi sərgi qonaqları tərəfindən böyük maraqla qarşılanıb. Burada Azərbaycanın zəngin mədəniyyəti və turizm potensialı nümayiş etdirilib, ölkəmizdə təhsillərini davam etmək istəyən perulular üçün mövcud təqaüd proqramları haqqında ətraflı məlumat təqdim olunub.

Sərginin çoxsaylı qonaqlarının sualları cavablandırılıb və müxtəlif materiallar paylanılıb.

Oxşar xəbərlər

Azərbaycanın turizm imkanları Pakistanda nümayiş etdirilib

Tacikistanda Azərbaycan Mədəniyyəti Günlərinin açılışı münasibətilə qala konsert keçirilib

Peru Konqresi Azərbaycanın müstəqilliyinin ildönümü münasibətilə bəyanat qəbul edib

Azərbaycanın turizm imkanları “ATM 2025” sərgisində nümayiş etdirilir

Qırğızıstanda Azərbaycanın turizm potensialı təbliğ olunub