Eldar İbrahimov: VII çağırış Milli Məclisin fəaliyyəti dövründə heç bir intizam pozuntusu qeydə alınmayıb

VII çağırış Milli Məclisin fəaliyyəti dövründə İntizam komissiyasına heç bir müraciət daxil olmayıb.

Bununla bağlı "Sizinxeber.az"a açıqlamasında İntizam komissiyasının sədri Eldar İbrahimov məlumat verib.

O qeyd edib ki, sessiya ərzində komissiya iki iclas keçirib:

"Bu iclaslardan biri komissiyanın formalaşdırılması ilə əlaqədar ilk iclas, digəri isə ümumi məsələlərin müzakirəsi üçün toplantı olub. Sessiya ərzində heç bir intizam pozuntusu qeydə alınmayıb və komissiyaya hər hansı müraciət daxil olmayıb".

Xatırladaq ki, VII çağırış parlament 2024-cü il sentyabrın 1-də növbədənkar keçirilmiş seçki ilə formalaşıb. Milli Məclisin sentyabrın 23-də keçirilən ilk iclasında İntizam komissiyası yaradılıb.