“Minatəmizləmə fəaliyyəti haqqında” yeni qanun layihəsi birinci oxunuşda təsdiqlənib.

“Sizinxeber.az” xəbər verir ki, layihə parlamentin bugünkü plenar iclasında müzakirəyə çıxarılıb.

Qeyd olunub ki, üç fəsil, 14 maddədən ibarət qanun layihəsi Azərbaycanda mina əleyhinə fəaliyyətin, o cümlədən minatəmizləmə fəaliyyətinin təşkilinə və həyata keçirilməsinə şamil ediləcək.

Sənəd Azərbaycanın Silahlı Qüvvələri tərəfindən Azərbaycanın təhlükəsizliyinin və müdafiəsinin təmin edilməsi məqsədilə aparılan mina əleyhinə fəaliyyətə şamil edilməyəcək.

Qeyd olunub ki, minatəmizləmə fəaliyyətinə dair informasiya sistemi haqqında əsasnamə müvafiq icra hakimiyyəti orqanının müəyyən etdiyi orqan tərəfindən təsdiq ediləcək.

İnsanların həyat və sağlamlığına, əmlakına ziyan vurulmasının qarşısının alınması məqsədilə təhlükəli ərazilərin sərhədlərində xəbərdarlıq nişanlarının yerləşdirilməsi səlahiyyətli qurum və ya həmin ərazidə minatəmizləmə fəaliyyətini həyata keçirən icraçılar tərəfindən təmin olunur.

Zərərçəkmişlərə “Psixoloji yardım haqqında” və “Əhalinin sağlamlığının qorunması haqqında” qanunlara uyğun olaraq ödənişsiz psixoloji və tibbi yardım göstəriləcək.

Mina əleyhinə fəaliyyət dövlət büdcəsinin vəsaiti və qanunla qadağan olunmayan digər mənbələr hesabına maliyyələşdiriləcək.

Qanunun tələblərini pozan şəxslər qanunda nəzərdə tutulmuş hallarda məsuliyyət daşıyacaqlar.

Layihə səsverməyə çıxarılaraq birinci oxunuşda təsdiqlənib.

Oxşar xəbərlər

Minatəmizləmə fəaliyyəti üçün qiymətləndirmənin keçirilməsi ilk oxunuşda təsdiqlənib [xfgiven_updateblue][/xfgiven_updateblue]

“Energetika haqqında” yeni qanun layihəsi ikinci oxunuşda təsdiq edildi [xfgiven_updateblue][/xfgiven_updateblue]

Ləğv edilən sığortaçıya dair yeni tələblər qoyulur [xfgiven_updateblue][/xfgiven_updateblue]

Minatəmizləmə maşınlarının operativ nəqliyyat vasitələri hesab edilməsi I oxunuşda qəbul edilib [xfgiven_updateblue][/xfgiven_updateblue]

Azərbaycanda "Minatəmizləmə haqqında" qanun layihəsi hazırlanacaq [xfgiven_updateblue][/xfgiven_updateblue]