"Cəbrayıldan çıxanda beş yaşım var idi, ayaqyalın, başıaçıq çıxmışdıq doğma yurdumuzdan".

"Report" xəbər verir ki, bunu Cəbrayıl şəhərinə köç edən keçmiş məcburi köçkün Nərgiz Qurbanova söyləyib.

O bildirib ki, ən böyük arzusu bu gün çin olur: "Cəbrayıla, doğma yurdumuza qayıtmaq ən böyük arzumuz olub. Bu gün arzumuz çin olur.

Çox pis xatirələrimiz var idi. Ayaqyalın, başıaçıq çıxmışdıq doğma yurdumuzdan. O zaman beş yaşım vardı, xatırlayıram o günləri. Xırdalanda məskunlaşdıq. Yarıac, yarıtox köçkünlük həyatı yaşadıq.

Şükür bu günə ki, artıq torpaqlarımız işğaldan azad edildi və biz bu gün öz yurdumuza, öz evimizə qayıdırıq. Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!"

Qeyd edək ki, bu gün Cəbrayıl şəhərinə ilk köç karvanı yola salınır. Bu mərhələdə 30 ailə (150 nəfər) öz doğma yurduna köçürülür. Bununla da Cəbrayıl şəhərində ümumilikdə 163 ailənin (583 nəfərin) məskunlaşması təmin edilib.

Oxşar xəbərlər

Cəbrayıl sakini: "Ən böyük arzumuz bu gün çin olur"

Keçmiş məcburi köçkün : Təkcə uşaqları götürüb Cəbrayıldan çıxmışdıq, indi bir maşın əşya ilə geri qayıdırıq

Şuşaya qayıdan sakin: Bu günü 32 il həsrətlə gözləmişik

Keçmiş məcburi köçkün: "30 yaşında çıxdığım Şuşama 65 yaşında qayıdıram"

Keçmiş məcburi köçkün: "30 yaşımda çıxdığım Şuşama 65 yaşımda qayıdıram"