“İnvest.M Construction” MMC-nin direktorunun qanunsuz əməllərinə dair cinayət işi məhkəməyə göndərilib.

Bu barədə "Sizinxeber.az"a Baş Prokurorluğun Mətbuat xidmətindən məlumat verilib.

Bildirilib ki, “İnvest.M Construction” Məhdud Məsuliyyətli Cəmiyyətinin direktoru Musayev Cavid İntiqam oğlunun qanunsuz əməlləri barədə Baş prokuror yanında Korrupsiyaya qarşı Mübarizə Baş İdarəsində aparılmış cinayət işinin ibtidai istintaqı tamamlanıb.

İbtidai istintaqla Cavid Musayevin vəzifə səlahiyyətlərindən sui-istifadə edərək Bakı şəhəri Nəsimi rayonu ərazisində rəhbərlik etdiyi müəssisənin istifadəsində olan ərazidə inşaat işlərinin aparılması zamanı meşə fonduna daxil olmayan ağac və kolların təkrarən qanunsuz olaraq kəsilməsinə nail olmaqla təbiətə ümumilikdə 413 min manatdan artıq məbləğdə ziyan vurmasına əsaslı şübhələr müəyyən edilib.

İş üzrə toplanmış mötəbər sübutlar əsasında Cavid Musayevə Azərbaycan Respublikasının Cinayət Məcəlləsinin 259.2.1, 259.2.3, 259.2.4 (şəxs tərəfindən qulluq mövqeyindən istifadə etməklə təkrarən külli miqdarda ziyan vurmaqla qanunsuz ağac kəsmə) və 308.1-ci (vəzifə səlahiyyətlərindən sui-istifadə etmə) maddələri ilə yekun ittiham elan edilməklə barəsində başqa yerə getməmək haqqında iltizam qətimkan tədbiri seçilib və cinayət işi baxılması üçün aidiyyəti üzrə məhkəməyə göndərilib.

İbtidai istintaq zamanı təqsirləndirilən şəxs tərəfindən təbiətə vurulmuş maddi ziyanın tam şəkildə ödənilməsi təmin edilib.

Oxşar xəbərlər

Baş Prokurorluqda ekoloji hüquqpozmalarla bağlı cinayət işi başlanıb [xfgiven_updateblue][/xfgiven_updateblue]

Vətəndaşları xaricdə işlə təmin edəcəklərini vəd edən vəzifəli şəxslərlə bağlı cinayət işi başlanıb [xfgiven_updateblue][/xfgiven_updateblue]

Aksizsiz malların qaçaqmalçılığında təqsirləndirilənlərin məhkəməsi başlayır [xfgiven_updateblue][/xfgiven_updateblue]

Rüşvət müqabilində qanunsuz tikintiyə şərait yaratmaqda şübhəli bilinən vəzifəli şəxs həbs edilib [xfgiven_updateblue][/xfgiven_updateblue]

Xaricdə işə düzəltmə vədi ilə külli miqdarda pul ələ keçirilməsi faktı üzrə cinayət işi başlanıb [xfgiven_updateblue][/xfgiven_updateblue]