Xankəndidə seçkiyə hazırlıq prosesi artıq bir həftədir ki yekunlaşıb.

Bunu "Report"un Qarabağa ezam olunan əməkdaşına 122 saylı Xankəndi Seçki Dairəsinin 14 saylı məntəqəsinin sədri İmran Mirzəyev deyib.

O bildirib ki, hər şey çox yüksək səviyyədə hazırlanıb: "Bütün təchizatlar hazır vəziyyətdədir. Seçki məntəqəmizin üzvləri də tam hazırdırlar, təlimat keçiblər. İnşallah, seçkiləri çox yüksək səviyyədə keçirəcəyik".

Məntəqə sədri qeyd edib ki, artıq bütün seçicilərə bildirişlər paylanılıb.

"Sevindirici haldır ki, ilk dəfə azad Xankəndidə səs verəcək gənclərimiz də var. Onlar ilk dəfə bu seçkidə məntəqəyə gələcəklər. Qürurluyuq, fəxr edirik ki, öz torpağımızda səs verəcəyik", - İ.Mirzəyev vurğulayıb

Oxşar xəbərlər

Məntəqə sədri: Artıq seçkiyə tam hazırıq, seçicilərə bildirişlər paylanılıb

Nəsimi-Binəqədi seçki dairəsinin 27 saylı seçki məntəqəsinin 22 seçicisi daşınar seçki qutusu vasitəsilə səs verəcək

İlham Əliyev ailə üzvləri ilə Xankəndidə SƏS VERDİ

71 saylı Cəlilabad şəhər seçki dairəsi üzrə 345 nəfər ilk dəfə səs verəcək

Bu seçki məntəqələrinin nəticələri ləğv edildi - İclas