71 saylı Cəlilabad şəhər seçki dairəsi üzrə 345 nəfər Azərbaycan Milli Məclisinə növbədənkənar keçirilən seçkilərdə ilk dəfə səs verəcək.

"Sizinxeber.az"un Muğan bürosunun məlumatına görə, onlardan 172 nəfəri kişi, 173 nəfəri isə qadındır. 5 nəfər seçicinin seçki günü - 1 sentyabr tarixində 18 yaşı tamam olacaq.

Qeyd edək ki, 71 saylı Cəlilabad şəhər seçki dairəsində 7 namizəd qeydə alınıb. 3 namizəd partiya tərəfindən, 4 namizəd isə öz təşəbbüsü ilə namizədliyini irəli sürüb.

51 442 seçicisi olan seçki dairəsinin hüdudları daxilində 54 seçki məntəqəsi texniki cəhətdən tam hazırlıq vəziyyətinə gətirilib, elektrik generatorları işlək vəziyyətdədir. 14 məntəqədə veb kameralar quraşdırılıb.

Oxşar xəbərlər

Cəlilabadda seçki məntəqələrinin üzvləri üçün treninqlərə başlanılıb

Azərbaycanda deputatlığa namizədə xəbərdarlıq edilib - EKSKLÜZİV