Azərbaycan və Ermənistan liderlərinin Əbu-Dabidə keçirilən görüşü regional sülhə doğru mühüm addım hesab oluna bilər.

Bunu "Sizinxeber.az"a açıqlamasında Milli Məclisin deputatı Azər Kərimli deyib.

O qeyd edib ki, görüş eyni zamanda Cənubi Qafqazda uzun müddətdir gözlənilən sülh gündəliyinin irəli aparılması baxımından mühüm əhəmiyyət daşıyır:

"Sülh müqaviləsinin yekunlaşdırılması üçün isə bir sıra zəruri addımlar atılmalıdır. Azərbaycan sülh müqaviləsinin imzalanmasını regionun sabitliyi və davamlı inkişafı üçün zəruri hesab edir. Ermənistan isə daxili siyasi təzyiqlərə baxmayaraq, prosesin irəliləməsində konstruktiv mövqe nümayiş etdirməyə cəhd göstərir. Görüşdə əldə olunan razılaşmaların konkret nəticələr verməsi üçün isə Ermənistan hakimiyyətinin siyasi iradə nümayiş etdirməsi, bu ölkənin hüquqi-normativ aktlarından qaynaqlanan maneələri və digər kənar təsir mexanizmlərinin təzahürlərini aradan qaldırması zəruridir.

Bütün hallarda, Əbu-Dabidə keçirilən görüş Azərbaycanın müstəqil və praqmatik xarici siyasətinin uğuru, Ermənistanın konstruktiv yanaşma göstərmək cəhdi hesab oluna bilər".

Deputat düşünür ki, Əbu-Dabi görüşü Azərbaycan-Ermənistan münasibətlərinin normallaşması və sülh müqaviləsinin imzalanması istiqamətində atılmış müsbət addım kimi qiymətləndirilir:

"Bu görüş təkcə iki ölkə arasında deyil, ümumilikdə Cənubi Qafqaz regionunda sabitliyi, təhlükəsizliyi təmin etmək və iqtisadi əməkdaşlığın təməlini qurmaq üçün diplomatik fürsət hesab oluna bilər".

Oxşar xəbərlər

Deputat: Əbu-Dabi görüşü sülh prosesində pozitiv dinamika hesab oluna bilər

Deputat: Azərbaycan-Ermənistan münasibətlərinin tənzimlənməsi kənar müdaxilələr olmadan da mümkündür

Ermənistan XİN: İlham Əliyevlə Nikol Paşinyanın Əbu-Dabi görüşü uğurlu olub

ABŞ Dövlət Departamenti: “Azərbaycanla Ermənistan arasında sülh sazişi əldə oluna biləcək məsafədədir”

Ovannisyan: Cənubi Qafqazda sülh üçün dünya ictimaiyyətinin dəstəyi lazımdır