Odri Hepbernin İsveçrədəki villası satışa çıxarılıb

İsveçrədə britaniyalı aktrisa Odri Hepbernə məxsus olan “La Paisible” villası 19 milyon İsveçrə frankına (20,8 milyon dollar) satışa çıxarılıb.

“Sizinxeber.az” xəbər verir ki, bu barədə “Bloomberg” agentliyi məlumat yayıb.

Aktrisa 1963-cü ildən 1993-cü ildə ölümünə qədər villanın sahibi olub. Cenevrə yaxınlığındakı kənddə yerləşən XVIII əsrə aid üçmərtəbəli binada 12 yataq otağı və 8 hamam otağı var. Villanın sahəsi 1000 kvadrat metrdən çoxdur.

Daha sonra əvvəlki sahiblər 2001-ci ildə malikanəni Hepbern ailəsindən alıb və satışa çıxarıblar. Onlar bunu villanın onlar üçün böyük olması ilə izah ediblər.