Rəqəmsal İnkişaf və Nəqliyyat Nazirliyi yanında İnformasiya Kommunikasiya Texnologiyaları Agentliyi (İKTA) əməkdaşlarının könüllü tibbi sığortalanması ilə bağlı elan etdiyi açıq tenderə yekun vurub.

"Sizinxeber.az" dövlət satınalmalarının vahid internet portalına istinadən xəbər verir ki, tenderin qalibi "Meqa Sığorta" ASC-dir.

Qalib şirkətə 51,51 min manat ödəniləcək.

Satınalma çərçivəsində 102 əməkdaş üçün tibbi sığorta paketi əldə ediləcək.

Xatırladaq ki, İKTA Azərbaycan Prezidentinin 2021-ci il 11 oktyabr tarixli Fərmanı ilə Rəqəmsal İnkişaf və Nəqliyyat Nazirliyinin tabeliyində tənzimləyici qurum kimi təsis edilib. Onun nizamnaməsi 2022-ci il 21 oktyabrda təsdiq edilib və 2022-ci ilin dekabr ayından funksional fəaliyyətə başlayıb.

İnformasiya Kommunikasiya Texnologiyaları Agentliyi ölkədə informasiya-kommunikasiya texnologiyaları və rabitə (telekommunikasiya və poçt) sahələrində tənzimləmə və nəzarəti, eləcə də radiospektr idarəçiliyini həyata keçirir.

Oxşar xəbərlər

İnformasiya Kommunikasiya Texnologiyaları Agentliyi ötən ili zərərlə başa vurub

İnnovasiya və Rəqəmsal İnkişaf Agentliyi sığortaçı seçib

Azərbaycan Yerüstü Nəqliyyat Agentliyi sığortaçı seçib

İnformasiya Kommunikasiya Texnologiyaları Agentliyi auditor seçir

Milli Depozit Mərkəzi sığortaçı seçib