İnformasiya və kommunikasiya texnologiyaları sektoru hazırda qlobal emissiyaların 4%-ə qədərini təşkil edir. Bu təsiri minimuma endirmək üçün hərəkətə keçməliyik.

APA xəbər verir ki, bunu Yaşıl Rəqəmsal Fəaliyyət Proqramı üzrə Yüksək Səviyyəli Dəyirmi Masada çıxışı zamanı COP29-un Prezidenti, ekologiya və təbii sərvətlər naziri Muxtar Babayev deyib.

O bildirib ki, Beynəlxalq Telekommunikasiya İttifaqı və COP29 sədrliyi tərəfindən irəli sürülən Yaşıl Rəqəmsal Fəaliyyət Bəyannaməsi bu istiqamətdə fəaliyyətə çağırışdır.

“Bu Bəyənnamə iqlim fəaliyyətinə təkan verən rəqəmsal həlləri tətbiq etmək üçün birgə cari işimizi təsvir edir. Bu platforma rəqəmsal texnologiyaların emissiyaların azaldılmasını, iqlimə uyğunlaşmanı və dayanıqlığın yaradılmasını necə sürətləndirə biləcəyini müzakirə etmək üçün əla fürsət olacaq” - Muxtar Babayev əlavə edib.

Oxşar xəbərlər

Nazir: İKT sektorundan emissiyalar qlobal ümumi həcmin 8 faizinə çata bilər

Yaşıl Rəqəmsal Fəaliyyətin açılış sessiyası keçirilib

Vitse prezident: Dünya Bankı yaşıl rəqəmsal sərmayələrini 700 milyon dollara çatdırıb

Muxtar Babayev: Azərbaycanda emissiyaların 21%-i tikinti sektoruna aiddir

Nigar Arpadarai: COP29-un əsas mövzusu maliyyə olacaq, özəl sektoru buna cəlb etməyi düşünürük