Təkcə COP29 deyil, digər beynəlxalq tədbirlər zamanı da Azərbaycana qarşı çoxlu sayda kiber hücumlar olur.

"Sizinxeber.az-Economics" xəbər verir ki, bunu jurnalistlərə açıqlamasında Xüsusi Rabitə və İnformasiya Təhlükəsizliyi Dövlət Xidmətinin rəisi İlqar Musayev deyib.

"Vətəndaşlar bunu görmür. Xidmət olaraq bu məlumatların hamısını açıqlaya bilmirik. Amma bu hücumların qarşısı alınır. Bəzən rüblük olaraq bu məlumatları öz informasiya vasitəmizdə yerləşdiririk. Vətəndaşlara və dəvlət qurumlarına qarşı kiber hücumlar və təhdidlər olur. Həmçinin COP29-la bağlı belə hücumlar baş verir", - deyə İ.Musayev əlavə edib.

O bildirib ki, seçkilər zamanı da Azərbaycana qarşı kiber hücumlara cəhdlər vardı:

"Prezident və Milli Məclisə seçkilər zamanı kiber hücumlara cəhdlər edilirdi. Sadəcə biz onların hamısını açıqlaya bilmirik. Amma bununla bağlı gündəlik iş gedir. "Facebook", "İnstagram", "Tiktok" kimi platformalarda dezinformasiyalar yayılır. Biz həmin platformalarla birgə işləməklə bunların qarşısını alırıq".

Oxşar xəbərlər

Dövlət Xidmətinin rəisi: "Azərbaycana çoxlu sayda kiberhücum olur, lakin hamısını açıqlaya bilmirik"

İlqar Musayev: "İnformasiya və kiber təhlükəsizliklə bağlı kadr çatışmazlığı var"

İlqar Musayev: COP29-la bağlı dezinformasiya yayan 15 resurs bağlanıb

Xidmət rəisi: Dövlət qurumlarında kibertəhlükəsizliklə bağlı kadr çatışmazlığı var

Nazir: Türkiyəyə hər gün 400-dən çox kiber-hücum cəhdi olur