Baş prokuror Kamran Əliyev Şəmkirdə vətəndaşları qəbul edəcək.

Bu barədə "Sizinxeber.az"a Baş Prokurorluğun mətbuat xidmətindən məlumat verilib.

Bildirilib ki, Baş prokuror iyunun 5-də, saat 10:00-da Şəmkir rayon prokurorluğunun inzibati binasında Şəmkir, Gədəbəy, Tovuz, Ağstafa və Qazax rayon sakinlərinin qəbulunu keçirəcək.

Vətəndaşların qəbulla bağlı qeydiyyatı və Şəmkir rayonuna gəlmələrinin təşkili rayon prokurorları tərəfindən həyata keçiriləcək.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07, (012) 361-14-22, (012) 361-01-48 nömrəli telefonları, [email protected] elektron poçt ünvanı, həmçinin prokurorluğun sosial şəbəkələrdəki səhifələri (İnstagram, Facebook və X) vasitəsilə də qəbula yazıla bilərlər.

Oxşar xəbərlər

Baş prokuror Yevlaxda vətəndaşları qəbul edəcək

Kamran Əliyev Qəbələdə vətəndaşları qəbul edəcək

Baş prokuror Xızıda vətəndaşları qəbul edəcək

Kamran Əliyev Zaqatalada vətəndaşları qəbul edəcək

Baş prokuror Yardımlıda vətəndaşları qəbul edəcək