Avropa Taekvondo Birliyinin (ETU) Hakimlər Komitəsinə üzvü seçilən Aygül Abdullayeva hakimlərin peşəkar inkişafına dəstək göstərəcək.

Mütəxəssis bunu "Report"a açıqlamasında bildirib.

A.Abdullayeva təlim və koordinasiya proseslərində iştirak edəcəyini də deyib:

"Hakimlər Komitəsi daxilində əsas işim hakimlərin fəaliyyətinin qiymətləndirilməsi, yarışlarda obyektivliyin və qaydalara uyğunluğun təmin edilməsi olacaq. Həmçinin hakimlərin peşəkar inkişafına dəstək göstərəcəyəm, təlim və koordinasiya proseslərində iştirak edəcəyəm və yarışların daha keyfiyyətli idarə olunmasına töhfə verəcəyəm".

Qeyd edək ki, eyni zamanda Azərbaycan Taekvondo Federasiyasının baş katibi olan A.Abdullayevanın təyinat müddəti ETU-nun 2027-ci ildə keçiriləcək Baş Assambleyasının iclasınadək qüvvədə qalacaq.

Oxşar xəbərlər

Azərbaycanın taekvondo hakimləri beynəlxalq yarışa təyinat alıblar

Azərbaycan Taekvondo Federasiyasının rəsmisi Koreya Respublikasına səfər edib

Beynəlxalq turnirdə ən yaxşı hakim seçilən azərbaycanlı: “Bu mükafat mənim üçün böyük fəxrdir”

Cahangir Babayev: “Avropa Karate Federasiyasının Hakimlər Komitəsinə üzv seçilməyim mənim üçün sürpriz oldu”

Niderlandda ən yaxşı seçilən azərbaycanlı hakim: "Uğurların davamı üçün əlimdən gələni edəcəyəm"