Bolqarıstanın Samokov şəhərində güləş üzrə U-17 Avropa çempionatı davam edir.

"Report" xəbər verir ki, ikinci yarış günündə yunan-Roma güləşi üzrə ilk medalçılar müəyyənləşib.

Ömər Salmanov (48 kq) finalda rusiyalı Artyom Tkaçenkoyla qarşılaşıb. Rəqibinə 1:5 hesabıyla məğlub olan güləşçi gümüş medalı boynundan asıb.

Qurban Məcnunov (55 kq) da həlledici görüşdə Rusiya təmsilçisi ilə üz-üzə gəlib. Edem Payziyevlə gərgin mübarizə şəraitində keçən qarşılaşmada minimal fərqlə (1:2) uduzan Qurban Avropa ikincisi olub.

Orxan Həbibli (65 kq) təsəlliverici görüşdə yunanıstanlı Dionisios Bulutidisə, bürünc medal uğrunda qarşılaşmada isə ukraynalı Oleksandr Venetsə 9:0 hesabıyla qalib gələrək fəxri kürsünün üçüncü pilləsinə yüksəlib.

Beləliklə, millimiz ikinci yarış günündə 2 gümüş və 1 bürünc medal qazanıb.

Oxşar xəbərlər

Azərbaycan güləşçiləri Avropa çempionatına 1 qızıl və 2 bürünc medalla start veriblər

Azərbaycan sərbəst güləşçiləri Avropa çempionatına 4 medalla start veriblər

Azərbaycanın sərbəst güləş millisi rekord xalla Avropa çempionu olub

Azərbaycan güləşçiləri Belarusda üç medal qazanıblar

Avropa çempionatı: Azərbaycanın daha iki güləşçisi finala yüksəlib