Azərbaycan boksçusu Nəbi İsgəndərov (70 kq) Braziliyanın Fos-du-İquasu şəhərində keçirilən Dünya Kubokunda növbəti qələbəsini qazanıb.

"Report" Azərbaycan Boks Federasiyasına istinadən xəbər veri ki, milli üzvü 1/8 finalda Murodjon Aşuraliyevlə (Tacikistan) üz-üzə gəlib.

Hər 3 raundu xeyrinə bitirən boksçu yekunda 5:0 (30:27, 30:27, 30:27, 30:27, 29:28) hesabı ilə qalib gəlib. O, sabah 1/4 finalda Farux Toxtassunovla (Qazaxıstan) gücünü yoxlayacaq.

Qeyd edək ki, Dünya kubokunda İsgəndərov millimizin 1/4 finalda mübarizə aparacaq 4-cü boksçusu olub. Daha bir idmançımız isə sözügedən mərhələyə vəsiqə üçün bu gün rinqə çıxacaq.

Oxşar xəbərlər

Azərbaycanın daha iki boksçusu Dünya Kubokunda qələbə qazanıb

Nəbi İsgəndərov Dünya Kubokuna qələbə ilə başlayıb

Azərbaycan boksçusu Dünya kubokunda yarımfinala vəsiqə qazanıb

Azərbaycanın 4 boksçusu dünya birinciliyində 1/4 finala yüksəlib