Mayın 4-də və daha sonrakı tarixlərdə, eləcə də iyun, iyul, avqust və sentyabr aylarında kağız daşıyıcılar vasitəsilə keçiriləcək imtahanlar bu dövr üçün xarakterik olan isti hava şəraiti ilə əlaqədar saat 10:00-da başlanılacaq.

Bu barədə "Sizinxeber.az"a Dövlət İmtahan Mərkəzindən məlumat verilib.

Bildirilib ki, imtahanların başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələnlər imtahan binasına buraxılmırlar.

Bundan əlavə, kütləviliyin qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilir və buraxılış vərəqəsində həmin vaxt göstərilir. Ona görə də, imtahan binasına buraxılış vərəqəsində qeyd olunan vaxtda gəlmək lazımdır.

Hər hansı bir imtahan üçün buraxılış vərəqəsi imtahandan 5-7 gün öncə DİM-in saytına yerləşdirilir.

Oxşar xəbərlər

Bu gün rezidenturaya qəbul imtahanının ikinci mərhələsi keçiriləcək

Bakının bir sıra rayonlarında həftəsonu 51 mindən çox IX sinif şagirdi buraxılış imtahanı verəcək

Rezidenturaya qəbul imtahanının ikinci mərhələsinin vaxtı məlum olub

Peşəkar mühasib sertifikatı imtahanının II mərhələsi keçiriləcək

Bu gün 3 300-dən çox namizədin dövlət qulluğu üzrə imtahan verməsi gözlənilir