Şuşa şəhərində 33 ildən sonra ilk zəng çalınıb.

"Report"un Şuşaya ezam olunan əməkdaşının məlumatına görə, 33 illik fasilədən sonra Şuşaya köçürülən ailələrin övladları Şuşa şəhər 1 saylı tam orta məktəbdə yeni tədris ilinə başlayıblar.

Yenidən qurulan məktəb 960 yerlik olmaqla, beş bloklu və üç mərtəbəlidir. Müasir standartlara uyğun inşa edilən məktəb hər biri 24 şagird üçün nəzərdə tutulmaqla, 40 sinif otağından ibarətdir.

Bu gün start verilən yeni tədris ilində Şuşada 113 şagird təhsilə başlayıb. Məktəbdə tədris 18 müəllimdən ibarət pedaqoji heyət tərəfindən həyata keçiriləcək.

Qeyd edək ki, şagirdlərin yaşayış binalarından məktəbə gətirilməsi üçün xüsusi nəqliyyat vasitələri ayrılıb. Şuşaya məskunlaşmanın davam etdirilməsi ilə məktəbdə şagird və müəllimlərin də sayı artacaq.

Oxşar xəbərlər

Bu gün Biləsuvarda 1 171 şagird birinci sinfə gedəcək

Bakıda 6 məktəb əsaslı təmirlə bağlı köçürülüb

Kəlbəcərdə 528 şagird yerlik məktəb inşa olunur - FOTO