Filippinin Anheles şəhərində tikilməkdə olan onmərtəbəli binanın uçması nəticəsində 40 nəfər dağıntılar altında qalıb.

"Report" xəbər verir ki, bu barədə "GMA News" televiziya kanalı məlumat yayıb.

Yerli hakimiyyət orqanları axtarış-xilasetmə əməliyyatının başlandığını açıqlayıb. Dağıntılar altından təxminən 10 nəfər təkbaşına çıxa bilib.

Şəhər administrasiyasının mətbuat xidmətinin rəhbəri Cey Pelayonun sözlərinə görə, dağıntılar altında təxminən 30-40 tikinti işçisi qalmış ola bilər.

"Hadisə qonşu binaya da təsir edib. 51 yaşlı Malayziya vətəndaşı olan bir turist dağıntılar altında qalıb və xilas edilib", - deyə o əlavə edib.

Oxşar xəbərlər

Çində torpaq sürüşməsi nəticəsində 19 nəfər dağıntılar altında qalıb

Sumqayıtda fəhlə dağıntılar altında qalıb

Elazığda mədəndə partlayış baş verib, iki nəfər dağıntılar altında qalıb

Hindistanda binanın damının uçması nəticəsində 6 nəfər ölüb

Türkiyədə zəlzələ nəticəsində dağıntılar altında qalan 6 nəfərdən 5-i xilas edilib - YENİLƏNİB