Yeni tədris ilinin başlanması ilə əlaqədar Dövlət İmtahan Mərkəzi (DİM) işğaldan azad olunmuş rayonlarda yerləşən bütün məktəblərə şagird və müəllimlərin istifadəsi üçün 74 adda 350-dən çox kitab təqdim edib.

"Report" xəbər verir ki, bu barədə DİM məlumat yayıb.

Qeyd olunan layihə çərçivəsində Şuşa şəhər 1 nömrəli, Xankəndi şəhər 4 nömrəli, Xocalı şəhər 1 nömrəli, Laçın şəhər 2 nömrəli, həmçinin Laçın rayonu Zabux və Sus kənd tam orta məktəbləri, Füzuli rayonunda yerləşən Mirzə Uluqbəy adına 1 nömrəli tam orta məktəb, Zəngilan rayonu Ağalı kənd tam orta məktəbi və Ağdərə rayonu Talış kənd tam orta məktəbinin kitabxanalarına Dövlət İmtahan Mərkəzinin nəşr etdirdiyi Azərbaycan dili, riyaziyyat, ingilis dili, ədəbiyyat, biologiya, tarix, ümumi tarix, fizika, kimya və coğrafiya fənləri üzrə yeni təhsil proqramlarına (kurikulum) uyğun qiymətləndirmə tapşırıqları kitabları, həmçinin fənlər üzrə test topluları, qabiliyyət imtahanları ilə bağlı vəsaitlər, ibtidai siniflər üçün qiymətləndirmə tapşırıqları vəsaitləri, lüğətlər, eləcə də “Abituriyent” jurnalının müxtəlif nömrələri hədiyyə edilib.

Xatırladaq ki, layihənin davamlı olaraq həyata keçirilməsi nəzərdə tutulub və gələcəkdə işğaldan azad olunmuş bölgələrdə yeni istifadəyə verilən məktəblərə də lazımi elmi-metodiki vəsaitlər təqdim olunacaq.

Oxşar xəbərlər

Bakıda 6 məktəb əsaslı təmirlə bağlı köçürülüb

İşğaldan azad olunan Ağdərədə bu gün ilk buraxılış imtahanı keçirilib - YENİLƏNİB

Bu gün 55 mindən çox IX sinif şagirdi buraxılış imtahanı verəcək

Bu il Cəlilabaddan 554 nəfər məzun tələbə adını qazanıb 

Naxçıvanda dövlət qulluğunda fəaliyyətin davam etdirilməsi üzrə test imtahanı keçirilib