Afrikaya artıq yalnız yardım prizmasından baxılmamalıdır - daha çox, strateji tərəfdaş və imkanlar qitəsi kimi baxılmalıdır.

"Sizinxeber.az" xəbər verir ki, bu barədə Əlcəzairin Azərbaycandakı səfiri Zakiya İğil Bakıda keçirilən "Afrika Günü": Yüksələn qitə, yeni tərəfdaşlıqlar" tədbirində bildirib.

Diplomatın sözlərinə görə, Afrikanın gələcək nüfuzu regiondaxili ticarətin genişləndirilməsindən, hərəkətin asanlaşdırılmasından və Afrika Qitə Azad Ticarət Zonası mexanizmlərinin daha fəal tətbiqindən asılı olacaq:

"Nəqliyyat dəhlizlərinin, logistikanın, energetikanın və rəqəmsal infrastrukturun inkişafı Afrikanın rəqabətqabiliyyətinin və iqtisadi inteqrasiyasının artırılması üçün mühüm əhəmiyyət kəsb edir. Bununla belə, iqtisadiyyatın şaxələndirilməsi və sənayenin inkişafı əsas vəzifələr olaraq qalır".

Diplomatın sözlərinə görə, qitənin zəngin təbii resursları sənaye artımına, innovasiyalara və yüksək əlavə dəyərli məhsulların yaradılmasına təkan verməlidir.

Səfir vurğulayıb ki, sülh, sabitlik və səmərəli idarəetmə dayanıqlı inkişafın təməli olaraq qalır, Afrika liderliyinə əsaslanan qərarlar isə xüsusilə uzunsürən böhranların olduğu regionlarda təhlükəsizliyin təmin edilməsində həlledici rol oynayır.

Oxşar xəbərlər

Mnqomezulu: Azərbaycanın rəqəmsal transformasiya təcrübəsi Afrikanın inkişafına töhfə verə bilər

Afrikaya irimiqyaslı layihələrin həyata keçirilməsi üçün 1,6 trilyon dollara yaxın investisiya lazımdır

Yalçın Rəfiyev: Afrika imkanlar və əməkdaşlıq məkanıdır

Səfir: Afrika və Azərbaycan arasında strateji tərəfdaşlıq üçün böyük potensial var

Sultan Hacıyev: Azərbaycan və Afrika ölkələri tərəfdaşlığın genişləndirilməsi üçün potensiala malikdir