Rusiya Azərbaycanla çoxşaxəli və dostluq əlaqələrinin inkişafına böyük əhəmiyyət verir.

APA xəbər verir ki, bunu Rusiya Prezidenti Vladimir Putin Bakıda Azərbaycan Prezidenti İlham Əliyevlə danışıqlardan sonra mətbuata bəyanatında bildirib.

"Biz qarşılıqlı fəaliyyət üçün geniş imkanları müzakirə etdik. Rusiya ilə Azərbaycan arasında ticarət dövriyyəsi 18 faiz artıb. Rusiya şirkətlərinin işi üçün yaradılan şəraitə görə Azərbaycan hakimiyyətinə təşəkkür edirik", - Putin vurğulayıb.

O, 8000-dən çox azərbaycanlının Rusiyanın ali məktəblərində təhsil aldığını açıqlayıb. Əlavə edib ki, 1000-dən çox tələbə dövlət büdcəsi hesabına təhsil alır.

Putin Bakıda Azərbaycan-Rusiya Universitetinin yaradılacağını vurğulayıb:

“Biz bu gün geniştərkibli danışıqlarda Bakıda Azərbaycan-Rusiya Universitetinin yaradılması təşəbbüsünü müzakirə etdik. Azərbaycan prezidenti bu ideyanı dəstəklədi. Ümid edirəm ki, bunu tezliklə həyata keçirəcəyik. Bizim tərəfimizdən bu işə Sankt-Peterburq Dövlət Universiteti qoşulmağa hazırdır".

Oxşar xəbərlər

Putin: Bakıda prioritet xarakter daşıyan bir sıra məsələləri müzakirə etməyə nail olduq

Rusiya və Azərbaycan birgə tanker istehsalına başlayır

Rusiya Prezidenti: Cənubi Qafqazda davamlı sülh və sabitlik regionun bütün dövlətlərinin maraqlarına cavab verir

Rusiya Prezidenti Vladimir Putin Azərbaycana gəlib - FOTO - YENİLƏNİB

Putin: Rusiya-Azərbaycan Universitetinin yaradılması imkanları nəzərdən keçirilir