Azərbaycanda dekabrın 31-i saat 10:00-a olan məlumata əsasən bəzi yerlərdə yağıntılı hava şəraiti müşahidə olunub, əsasən Lənkəran-Astara zonasında intensiv xarakterli olub.

Bu barədə "Sizinxeber.az"a Milli Hidrometeorologiya Xidmətindən məlumat verilib.

Qeyd edilib ki, düşən yağıntının miqdarı Astarada 44 mm, Lənkəranda 10 mm, Şamaxı, Oğuzda 5 mm, Neftçalada 4 mm, Qəbələ, Qobustan, Şəki, Xaçmaz, Altıağac, Cəlilabad, Sabirabad, Quba, Zaqatalada 4 mm-dək, Bakıda və Abşeron yarımadasında 1 mm-dir.

Qarın hündürlüyü Zaqatalada (Əlibəy) 14 sm, Qrızda 6 sm, Şahbuzda 5 sm, Qusarda 1 sm-dir.

Sumqayıt, Gəncə, Naftalan, Şəmkir, Balakən, Şəki, Şamaxı, Qəbələ, Qobustan, Quba, Qusar, Yevlax, Göyçay, Lerikdə duman müşahidə olunub, dumanda görünüş 200 metrədək məhdudlaşıb.

Havanın minimal temperaturu Bakıda və Abşeron yarımadasında 5, Aran rayonlarında 6 dərəcəyədək isti, Naxçıvan MR-da 1 dərəcə şaxtadan 3 dərəcəyədək isti, dağlıq rayonlarda 8, yüksək dağlıq rayonlarda 16 dərəcəyədək şaxta qeydə alınıb.

Oxşar xəbərlər

Bəzi ərazilərə yağış yağır - FAKTİKİ HAVA

Yağıntılı hava şəraiti müşahidə olunub

Qrıza 10 sm qar yağıb - FAKTİKİ HAVA

Bəzi rayonlara qar və yağış yağır - FAKTİKİ HAVA

Bakıda və Abşeron yarımadasında yağış intensivləşib - FAKTİKİ HAVA- YENİLƏNİB