Norveç iri neft istehsalçısı və ixracatçısıdır və bu, onun Azərbaycanla oxşar cəhətidir.

“Report” xəbər verir ki, bunu Norveç Xarici İşlər Nazirliyinin “yaşıl” keçid üzrə xüsusi nümayəndəsi Per Strand Şosta Bakıda Şimali Avropa ölkələrinin inkişafının “yaşıl modeli” (NORDIC TALKS: Nordic Green Model) təşəbbüsü çərçivəsində keçirilən panel müzakirəsi zamanı deyib.

O qeyd edib ki, iqtisadiyyatın qurulmasının bu cür strukturu dayanıqlı inkişaf məqsədinə və Paris sazişinin məqsədlərinə uyğun ola bilməz.

“Dünyada bərpa olunan enerji mənbələrinə böyük tələbat var və biz hidroenergetikanın həcmini artırmağa çalışırıq”, - xüsusi nümayəndə bildirib.

Şosta onu da vurğulayıb ki, bərpa olunan enerji mənbələrinə keçid kifayət deyil. “Biz həmçinin emissiyaları azaltmağın yollarını işləyib hazırlamalıyıq. Əks halda keçid bizə lazım olan sürətlə baş verməyəcək”, - deyə o fikrini tamamlayıb.

Oxşar xəbərlər

Finlandiya səfiri: “Yaşıl” keçid və ətraf mühitin qorunması bizim üçün prioritetdir

Ole Toft: “Yaşıl” keçid iqlim dəyişikliyi problemini həll etmək üçün şərt oldu

İsveç səfiri: Skandinaviya ölkələri “yaşıl” keçid yolunda Azərbaycan üçün mühüm tərəfdaş ola bilər

İsveç səfiri Bakıda “Nordic Talks” konfransının açılışında çıxış edib

İqtisadiyyat naziri: "Azərbaycan "yaşıl keçid"in əsas iştirakçılarından biridir"