Lisey və gimnaziyalara qəbulla bağlı qərarda dəyişiklik edilib.

APA xəbər verir ki, bu barədə Təhsil İnstitutundan bildirilib.

"Məlum olduğu kimi, 2025-2026-cı tədris ili üzrə Bakı şəhəri və ölkənin müxtəlif bölgələrində yerləşən, şagird qəbulu mərkəzləşdirilmiş imtahanla həyata keçirilən bir sıra lisey və gimnaziyaların 7-ci siniflərinə qəbul prosesinə start verilir.

Şagirdlərin lisey və gimnaziyalarda təhsil almağa böyük maraqlarını və tədris ili boyunca imtahan prosesinə hazırlıqlarını nəzərə alaraq bildiririk ki, 2025-2026-cı tədris ilində istisna olaraq V, VI və VIII siniflər üzrə də qəbul prosesi həyata keçiriləcək. Belə ki, mərkəzləşdirilmiş qaydada keçirilən qəbul imtahanında IV, V və VII sinifdə təhsil alan (yəni 2025-2026-cı tədris ilində V, VI və VIII sinfə keçəcək) şagirdlərin də iştirakı təmin ediləcək", - məlumatda deyilir.

Oxşar xəbərlər

Bir sıra lisey və gimnaziyalara qəbul prosesinə start verilir

Lisey və gimnaziyalara qəbul prosesinə dəyişikliklərə aydınlıq gətirilib

Lisey və gimnaziyalarda II mərhələ seçimlərinə start verilir

Lisey və gimnaziyalara qəbulun VI sinif şagirdlərilə məhdudlaşdırılmasına aydınlıq gətirilib

Bu il 3600-dən çox şagird lisey və gimnaziyalara qəbul olub