“Mənim üçün vacib olan oğlumun qatilinin layiq olduğu cəzanı almasıdır. O, cəzasını aldı. Buna görə, Azərbaycan Prezidentinə minnətdaram. Ailəmiz adından dövlət başçısına təşəkkür edirik”.

Bunu Sizinxeber.az-ya açıqlamasında Azərbaycanın İrandakı səfirliyinə silahlı hücum zamanı həlak olan mühafizə xidmətinin rəisi Orxan Əsgərovun atası Rizvan Əsgərov deyib.

Azərbaycanın Tehrandakı səfirliyinə hücum edən Yasin Hüseynzadə barəsində məhkəmənin edam qərarının icrasına münasibət bildirən R. Əsgərov bunları deyib: “Şübhəsiz ki, məhkəmə qərarının icrasında iştirak etmək istəyirdim. Əvvəlcə İran tərəfi valideynin icra prosesində iştirakının vacib olduğunu bildirmişdi. Mən də iştirak etmək istəyirdim. Ancaq Azərbaycanda ölüm hökmü olmadığı üçün bizim ölkənin vətəndaşı gedib başqa ölkədə ölüm hökümünün icrasını izləyə bilməz. Onlar da bununla razılaşdılar. Biz icrada iştirakı vəkilimizə həvalə elədik. Məndə olan məlumata görə, səfirliyin nümayəndəsi də bu gün səhər qərarın icrasında iştirak edib”.

Oxşar xəbərlər

İranda səfirlikdə şəhid olan Orxan Əsgərovun atası: Hökmün icrasında iştirak etmək istəyirəm - VİDEO

İran Ali Məhkəməsi Azərbaycan səfirliyinə hücum edən şəxslə bağlı ölüm hökmünü təsdiqləyib

Azərbaycanın İrandakı səfirliyinə hücum edən şəxs bu gün səhər edam olunub

Azərbaycan səfiri İran XİN-də görüşlər keçirib - FOTO

Pezeşkian Azərbaycan səfirliyinə hücum edən şəxslə bağlı hökmün icrası məsələsindən danışıb