Lazımi icazə olmadan uçuş təhlükəsizliyi üçün qorxu yarada bilən hər cür atəşə, raketin buraxılmasına, partlayış işlərinə və digər belə işlərin görülməsinə görə cərimələr 100 dəfəyə qədər artırılır.

Sizinxeber.az xəbər verir ki, bu, Milli Məclisin bu gün keçirilən iclasında müzakirəyə çıxarılan İnzibati Xətalar Məcəlləsinə təklif edilən dəyişiklikdə əksini tapıb.

Layihəyə əsasən, lazımi icazə olmadan uçuş təhlükəsizliyi üçün qorxu yarada bilən hər cür atəşə, raketin buraxılmasına, partlayış işlərinə və digər işlərin görülməsinə görə fiziki şəxslər üç min manat məbləğində, vəzifəli şəxslər beş min manat məbləğində, hüquqi şəxslər on min manat məbləğində cərimə ediləcək.

Qüvvədə olan Məcəlləyə əsasən, bu inzibati xəta üçün yüz manat məbləğində cərimə tətbiq edilir.

Qanun layihəsi səsverməyə çıxarılaraq birinci oxunuşda qəbul edilib.

Oxşar xəbərlər

Təyyarələr üçün təhlükəli quşların toplandığı obyektlər quranlar 10 min manatadək cərimələnəcək

Məişət tullantılarının kənar yerlərə atılmasına görə cərimə artırılır

Dəmiryolunda təhlükəsizlik qaydalarının pozulmasına görə cərimələr artırılır

Sürücülük hüququ olmadan avtomobil idarə edilməsinə görə cərimələr artırılıb

Məişət tullantılarının kənar yerlərə atılmasına görə 300 manatdan 7000 manatadək cərimə tətbiq olunacaq