ABŞ Maliyyə Nazirliyi ən həssas ölkələrin gəmilərə yüklənmiş Rusiya neftinə müvəqqəti çıxışını təmin etmək üçün 30 günlük müvəqqəti ümumi lisenziya verib.

"Sizinxeber.az" xəbər verir ki, bu barədə ABŞ Maliyyə Nazirliyinin rəhbəri Skott Bessent "X" sosial şəbəkəsində yazıb.

"Bu uzadılma əlavə çeviklik təmin edəcək və biz zərurət yarandıqca konkret lisenziyalar təqdim edərək bu ölkələrlə işləyəcəyik. Bu ümumi lisenziya xam neftin fiziki bazarını sabitləşdirməyə kömək edəcək və onun enerji baxımından ən həssas ölkələrə daxil olmasını təmin edəcək.

O həmçinin Çinin aşağı qiymətlərlə neft toplamaq imkanlarını azaltmaq hesabına mövcud tədarükləri buna ən çox ehtiyacı olan ölkələrə yenidən yönəltməyə kömək edəcək", - deyə bəyanatda bildirilir.

19:44

ABŞ Maliyyə Nazirliyi gəmilərə yüklənmiş Rusiya nefti və neft məhsullarının satışı və daşınması əməliyyatlarının ABŞ sanksiyalarından çıxarılmasını daha 30 gün uzadır.

"Sizinxeber.az" TASS-a istinadən xəbər verir ki, bu barədə "Reuters" mənbəyə istinadən məlumat yayıb.

Bildirilib ki, bundan əvvəl bir neçə dövlət Rusiya neftinin satın alınması üçün daha çox vaxt əldə etmək məqsədilə bununla bağlı xahiş edib.

Xatırladaq ki, ABŞ aprelin 17-dək olan dövrdə tankerlərə yüklənmiş Rusiya mənşəli neft və neft məhsullarının satışı, daşınması və boşaldılması ilə bağlı əməliyyatların mayın 16-dək həyata keçirilməsinə icazə vermişdi.

Oxşar xəbərlər

Bessent Rusiya neftinin sanksiyalardan bir daha azad olunmasını istisna edib

ABŞ Maliyyə Nazirliyi Rusiya neftinin ticarətinə icazə müddətini uzadıb

Rusiya nefti ilə bağlı bu icazənin müddəti uzadılmayacaq

Kirill Dmitriyev: ABŞ-nin qərarı 100 milyon bareldən çox Rusiya neftini əhatə edəcək

ABŞ İran neftini özünə qarşı istifadə edəcək, sanksiyanı bir aylıq ləğv edir