Əmək və Əhalinin Sosial Müdafəsi Nazirliyinin tabeliyindəki Dövlət Məşğulluq Agentliyi Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyinin dəstəyi ilə Cəbrayıl rayonunda növbəti əmək yarmarkası təşkil edəcək.

Bu barədə Sizinxeber.az-ya Əmək və Əhalinin Sosial Müdafəsi Nazirliyindən məlumat verilib.

Bildirilib ki, yarmarka noyabrın 7-də saat 10:30-dan 12:00-a kimi Cəbrayıl şəhərində, M.Mehdizadə adına tam orta məktəbdə keçiriləcək.

Tədbirdə işaxtaran şəxslərə 5 müəssisə tərəfindən müxtəlif istiqamətlər üzrə 125 vakansiya təqdim ediləcək.

Onlara Agentliyin icra etdiyi aktiv məşğulluq proqramları, layihələr barədə ətraflı məlumatlar da veriləcək.

Oxşar xəbərlər

Laçın və Şuşada əmək yarmarkaları təşkil ediləcək

Füzulidə növbəti əmək yarmarkası təşkil edilib

Laçında keçirilən əmək yarmarkasında 250-dən çox vakansiya təqdim edilib

Şuşada ilk dəfə əmək yarmarkası keçirilib