2024-cü ilin ikinci Günəş tutulması oktyabrın 2-də baş verəcək.

Bu barədə APA-ya Bakı Dövlət Universitetinin (BDU) Fizika fakültəsinin Astrofizika kafedrasından məlumat verilib.

Bildirilib ki, tutulma halqavari Günəş tutulmasıdır. Ay Yerdən daha uzaq məsafədə olduqda bucaq ölçüsü Günəşin bucaq ölçüsündən kiçik olduğuna görə tutulma zamanı Ay Günəşin səthini tam bağlamır və Ayın ətrafında parlaq həlqə yaranır. Ona görə bu zaman baş verən tutulma həlqəvari Günəş tutulması adlanır.

Məlumata görə, tutulma hadisəsi oktyabrın 2-də Bakı vaxtı ilə saat 19:42:47-də başlayacaq və 3 oktyabr saat 01:46:47-də sona çatacaq. Tutulmanın maksimumu 2 oktyabr saat 22:44:51-də olacaq. Tutulma hadisəsi 6 saat 4 dəqiqə davam edəcək. Tam tutulma oktyabrın 2-si saat 20:50:24-də başlayıb, oktyabrın 3-ü saat 00:39:04-də başa çatacaq. Tam tutulma prosesi 3 saat 48 dəqiqə 40 saniyə davam edəcək.

Həlqəvari Günəş tutulması Çili və Argentinanın cənubunda müşahidə olunacaq. Ən azından qismən tutulma görən ölkələr Şimali Amerikanın cənubu, Cənubi Amerikanın böyük hissəsi, Sakit və Atlantik okeanlar, Antarktida olacaq. Tutulma Azərbaycandan müşahidə olunmayacaq.

Oxşar xəbərlər

Oktyabrın 2-də ilin ikinci Günəş tutulması olacaq [xfgiven_updateblue][/xfgiven_updateblue]

Bu ilin ilk Günəş tutulması olub [xfgiven_updateblue][/xfgiven_updateblue]

Sentyabrın 18-də ilin ikinci Ay tutulması baş verəcək [xfgiven_updateblue][/xfgiven_updateblue]

Payız fəsli Azərbaycana sentyabrın 22-si daxil olacaq [xfgiven_updateblue][/xfgiven_updateblue]

Geomaqnit qasırğası gözlənilir [xfgiven_updateblue][/xfgiven_updateblue]