2024/2025-ci tədris ili üzrə peşə təhsili müəssisələrinə müəllimlərin işə qəbulu üzrə müsabiqənin müsahibə mərhələsinin nəticələrinin elan edilməsi başa çatıb.

Bu barədə APA-ya Peşə Təhsili üzrə Dövlət Agentliyindən məlumat verilib.

Bildirilib ki, müraciətçilərin nəticələri barədə məlumatlar https://portal.edu.az/ platformasında şəxsi kabinet bölümündə yerləşdirilib.

Peşə təhsili müəssisələrinə müəllimlərin işə qəbulu üzrə müsabiqənin müsahibə mərhələsində uğurlu nəticə göstərən şəxslər 11-14 sentyabr (saat 18:00-dək) tarixlərində aşağıda qeyd olunan sənədləri qəbul olunduğu müəssisəyə təqdim etməklə qeydiyyatdan keçməlidirlər:
• Təhsil haqqında diplom;
• Şəxsiyyət vəsiqəsi;
• Sağlamlıq haqqında arayış;

Müsabiqədə uğurlu nəticə göstərən şəxsin sözügedən müddətdə qəbul olunduğu peşə təhsili müəssisəsində qeydiyyatdan keçməməsi onun qəbul olunduğu vakansiyadan imtina etməsi kimi qiymətləndirilir.

Qeyd edilib ki, müsabiqə çərçivəsində Bakı, Naxçıvan Muxtar Respublikası və regionlarda yerləşən peşə təhsili müəssisələri üzrə ümumilikdə 388 nəfər müsahibədə iştirak edib və 245 şəxs uğurlu nəticə göstərərək sənədlərini təqdim etmək üçün dəvət alıb. Təklif edilən vakansiya üzrə çalışmaqdan imtina edənlər olduğu təqdirdə ehtiyat siyahısında yer alan namizədlərə iş təklifinin edilməsi nəzərdə tutulur.

Oxşar xəbərlər

Peşə təhsili müəssisələrinə tələbə qəbulunun nəticələri açıqlanıb [xfgiven_updateblue][/xfgiven_updateblue]

Peşə təhsili müəssisələrinə tələbə qəbulunun II mərhələsinə start verilib [xfgiven_updateblue][/xfgiven_updateblue]

Agentlik: Peşə təhsili almaq üçün 16 mindən çox şəxs müraciət edib [xfgiven_updateblue][/xfgiven_updateblue]

Peşə məktəblərinə müəllimlərin işə qəbulu üzrə müsahibənin nəticələri açıqlanıb [xfgiven_updateblue][/xfgiven_updateblue]

Bu gün peşə təhsili müəssisələrinə tələbə qəbulu başa çatır [xfgiven_updateblue][/xfgiven_updateblue]