İyunun 6-7-də Bakıda klassik və sürət avtomobillərinin festivalı təşkil olunacaq.

Sizinxeber.az xəbər verir ki, “Classics & Supercars” festivalı Azərbaycan Avtomobil Federasiyası (AAF) və “Nazar Holdings”in birgə təşkilatçılığı ilə Dənizkənarı Milli Parkın ərazisində keçiriləcək.

İki gün ərzində Bakı bulvarını müxtəlif illərə və ölkələrə aid klassik və sürət avtomobilləri bəzəyəcək.

Avtomobillər “Klassik avtomobillər zonası”, “Supercar zonası” və “İdman avtomobilləri” zonasında nümayiş olunacaq.

Festivalda Azərbaycan Avtomobil Federasiyasının avtomobil kolleksiyası, həmçinin tədbirə qeydiyyatdan keçmiş avtomobil sahiblərinin nəqliyyat vasitələri sərgilənəcək.

Sərgidə avtomobilləri ilə iştirak etmək istəyən şəxslər [email protected] elektron ünvanına və ya (+99450) 295 01 00 mobil nömrəsinə müraciət edərək qeydiyyatdan keçə bilərlər.

Ziyarətçilərin tədbirə girişi sərbəstdir.

Oxşar xəbərlər

Bakıda klassik avtomobillərin sərgisi keçirilir

Klassik avtomobillərin yürüşünə qoşulmaq üçün qeydiyyat başa çatır

Heydər Əliyev Mərkəzinin parkında Uşaq festivalı keçiriləcək

Mədəniyyət Nazirliyi “Yaşıl STEAM Azərbaycan” Festivalında təmsil olunur

Sərnişin və yük daşımaları üçün “Fərqlənmə nişanı” və “Xüsusi fərqlənmə nişanı”nı AYNA verəcək