Keçən il müəyyən edilən insan alveri cinayətlərin sayı açıqlanıb.

APA xəbər verir ki, bu, Milli Məclisin İnsan hüquqları, Hüquq siyasəti və dövlət quruculuğu komitələrinin birgə iclasında müzakirəyə çıxarılan “İnsan alverinə qarşı mübarizə üzrə Milli Koordinatorun illik məlumat”ında qeyd edilib.

Qeyd edilib ki, keçən il insan alveri cinayətlərinin aşkarlanması və təqsirkar şəxslərin məsuliyyətə cəlb olunması sahəsində keçirilmiş əməliyyat-axtarış tədbirləri ilə 198 cinayət müəyyən edilib. Bu, 2024-cü illə müqayisədə 8 cinayət azdır. 2025-ci ildə həmin cinayətlərdən 57-i informasiya texnologiyalarının tətbiqi ilə törədilib.

O cümlədən 2025-ci ildə 152 insan alveri cinayəti müəyyən edilib ki, bu da 2024-cü illə müqayisədə 9 cinayət azdır. Keçən il də insan alveri məqsədilə sənədlərlə qanunsuz hərəkətlərə görə 45 cinayət müəyyən olunub ki, bu da 2024-cü illə müqayisədə 1 cinayət çoxdur.

İnsan alveri cinayətlərinin 97 faizi açılıb, 6 şəxs ətrafında keçirilmiş əməliyyat tədbirləri ilə 2 cinayətkar qrup zərərsizləşdirilib. Həmin hüquqazidd əməllərlə əlaqədar 10 cinayət işi başlanılıb. Bir cinayət işinin istintaqı çərçivəsində 20-dək faktın istintaqı aparılıb. 8 cinayət işi üzrə 10 şəxs (9-u qadın) təqsirləndirilən qismində cəlb olunmuş, 12 nəfər (11-i qadın) məhkəmə məsuliyyətinə verilib.

Oxşar xəbərlər

Keçən il 161 insan alveri faktı aşkarlanıb

2024-cü ildə 206 insan alveri cinayəti qeydə alınıb

“WhatsApp”, “Tik-tok”, “İnstagram” və “Telegram” vasitəsilə törədilən insan alveri cinayətlərinin sayı açıqlanıb

Azərbaycan insan alveri cinayəti törətməkdə təqsirləndirilən 11 nəfəri İnterpol kanalları ilə axtarır

İnsan alveri cinayəti ilə bağlı 10 şəxs İnterpol kanalları ilə axtarışdadır