Yanvarın 18-də axşam saatlarından başlayaraq "Şahdəniz" qaz-kondensat yatağında “Alfa” platforması yenidən işə salınıb.

Bu barədə "APA-Economics"-ə “BP-Azerbaijan”-dan bildirilib.

Bundan əvvəl, “Alfa” platformasını Səngəçal terminalı ilə birləşdirən sualtı kondensat ixrac boru kəmərində yaranmış texniki problem tam həll edilib.

Qeyd edilib ki, hazırda "Şahdəniz" qaz-kondensat yatağında “Alfa” platformasından hasilat və ixrac əməliyyatları tədricən artırılmaqdadır. Əməliyyatların normal səviyyəyə çatmasının daha bir neçə gün çəkəcəyi gözlənilir: “Planlarımızı və fəaliyyətlərimizi SOCAR və digər tərəfdaşlarımızla koordinasiya etməklə onlarla yaxından işləməkdə davam edirik”.

Xatırladaq ki, “Alfa” platformasını Səngəçal terminalı ilə birləşdirən sualtı kondensat ixrac boru kəmərində texniki məsələlərlə əlaqədar Azərbaycandan Serbiya və Bolqarıstana qaz təchizatında problem yaranmışdı.

Oxşar xəbərlər

BP "Şahdəniz Alfa" yatağında hasilatı bərpa edib

BP: "Şahdəniz" yatağında "Bravo" platforması tam gücü ilə işləyir

“Şahdəniz” yatağına bu il 2 mlrd. dollardan artıq xərc çəkilib

Azərbaycanda 11 ayda 5.5 mln. ton neft emal edilib