Azərbaycanın bir sıra neft-qaz layihələrinin iştirakçısı olab BP “Apollo” şirkətin “bp Pipelines TAP Limited” törəmə şirkətində qeyri-nəzarət payının satılması ilə bağlı razılaşmanın əldə olunması barədə elan edib.

“APA-Economics”in BP-yə istinadən verdiyi məlumata görə, razılaşmanın dəyəri 1 mlrd. dollar təşkil edir.

Qeyd olunur ki, “bp Pipelines TAP Limited” şirkəti Trans-Adriatik qaz kəmərində 20% paya sahibdir.

Bildirilir ki, sövdələşmə tamamlandıqdan sonra BP “bp Pipelines TAP Limited” şirkətinin nəzarət səhmdarı olaraq qalacaq.

Trans-Adriatik Boru Kəməri (TAP) Azərbaycanın Xəzər dənizindəki “Şahdəniz” qaz-kondensat yatağının istismarının ikinci mərhələsi çərçivəsində hasil olunan təbii qazın Avropaya nəqli üzrə həyata keçirilən enerji layihələrinin kompleks dəyər zənciri olan Cənub Qaz Dəhlizinin (CQD) Avropa qoludur.
Hazırda TAP-ın səhmdarları bunlardır: BP - 20%, SOCAR (CQD) - 20%, “Snam S.p.A.” - 20%, “Fluxys” -20%, “Enagás” -20%.
Xatırladaq ki, 2020-ci il dekabrın 31-dən TAP vasitəsilə Avropaya Azərbaycan qazının nəqlinə başlanılıb.

Oxşar xəbərlər

BP TAP-dakı payını "Apollo" fonduna satır [xfgiven_updateblue][/xfgiven_updateblue]

AÇG-dən indiyədək 596 mln. tona yaxın neft hasil edilib [xfgiven_updateblue][/xfgiven_updateblue]

Azərbaycanda bu il 17 mln. tona yaxın neft hasil edilib [xfgiven_updateblue][/xfgiven_updateblue]

“Şahdəniz”ə bu il 1,7 mlrd. dollara yaxın vəsait xərclənilib [xfgiven_updateblue][/xfgiven_updateblue]

“Mərkəzi Azəri” platformasından indiyədək 1 mlrd. bareldən artıq neft hasil edilib [xfgiven_updateblue][/xfgiven_updateblue]