Ötən il Azərbaycanın ümumi məhsul ixracı 26.5 milyard ABŞ dolları, idxalı isə 21 milyard 58 milyon ABŞ dolları təşkil edib

“APA-Economics” Dövlət Gömrük Komitəsinə istinadən xəbər verir ki, ixrac olunan malların çeşidlərinin sayı 3 444 ədəd, idxal olunan malların çeşidlərinin sayı isə 7 774 ədəd təşkil edib.

2024-cü ildə ixrac əməliyyatlarının 51.57%-i ( 13 milyard 693.8 milyon ABŞ dolları) özəl sektor, 47.8%-i ( 12 milyard 693.9 milyon ABŞ dolları) dövlət sektoru, 0.63%-i ( 166,3 milyon ABŞ dolları) isə fiziki şəxslər tərəfindən reallaşdırılıb.

Ötən il idxal əməliyyatlarının 60.6%-i ( 12 milyard 761.9 milyon ABŞ dolları) özəl sektorun, 29.98%-i ( 6 milyard 314.2 milyon ABŞ dolları) dövlət sektorunun, 9.42%-i ( 1 milyard 981.8 milyon ABŞ dolları) isə fiziki şəxslərin payına düşüb.

Qeyd edək ki, ötən il əvvəlki illə müqayisədə dövlət sektoru tərəfindən idxal olunan məhsulların həcmi 2.2 dəfə və ya 3.4 milyard ABŞ dolları artıb.

Xatırladaq ki, Azərbaycan Respublikası Nazirlər Kabinetinin 21 avqust 2020-ci il tarixli 303 nömrəli qərarı ilə vətəndaşın şəxsi məqsədlər üçün gömrük rüsumu ödəmədən bir ay ərzində xaricdən beynəlxalq poçt göndərişləri və ya daşıyıcı şirkət vasitəsilə vasitəsilə sifariş etdiyi bağlamanın dəyəri 1000 ABŞ dollarından 300 ABŞ dollarına endirilib.

Oxşar xəbərlər

Azərbaycanın xarici ticarət dövriyyəsinin müsbət saldosu 62%-dən çox azalıb

Azərbaycan qeyri-neft-qaz ixracını cüzi artırıb

Azərbaycanın MDB ölkələri ilə ticarət dövriyyəsinin həcmi açıqlanıb