Amerikanın böyük bankları dolların dəyərinə bağlı rəqəmsal valyuta olan birgə stabilkoin yaratmağı planlaşdırır.

“Sizinxeber.az” xəbər verir ki, bu barədə mənbələrə istinadən “Wall Street Journal” məlumat yayıb.

Danışıqlar ilkin mərhələdə olsa da, “JPMorgan Chase”, “Bank of America”, “Citigroup” və “Wells Fargo” kimi böyük banklar öz maraqlarını gizlətmirlər.

Güman edilir ki, stabilkoinin yaradılması onlara maliyyə əməliyyatlarını, o cümlədən beynəlxalq köçürmələri sürətləndirməyə imkan verəcək. Çünki bəzi əməliyyatların bank sistemində emal edilməsi bir neçə gün çəkə bilir.

Amerika kredit təşkilatları qorxur ki, öz stablecoinlərini yaratmadan, sürətlə inkişaf edən kriptovalyuta bazarında rəqabət qabiliyyəti olmayacaq. Yekun qərar hələ verilməyib.

Qəzet qeyd edib ki, bu, bank müştərilərinin belə valyutaya tələbatının qiymətləndirilməsindən, eləcə də bu sahədə qanunvericilik təşəbbüslərindən asılı olacaq.

Oxşar xəbərlər

WSJ: Rusiya “Rosneft”, “Qazprom Neft” və “Lukoyl”u birləşdirərək meqaşirkət yaratmağı planlaşdırır

Azərbaycan və ABŞ bank tənzimlənməsi üzrə ikinci dəfə danışıqlar aparacaq

Mərkəzi Bank Qlobal Maliyyə İnnovasiyaları Şəbəkəsinə müşahidəçi qismində üzv olub

“Wynn” BƏƏ-də ilk kazino qurmaq üçün kredit götürüb

Azərbaycan bankları valyuta mübadiləsi üzrə gəlir marjasını 3 % artırıblar