Rixard Raşinin Azərbaycana səfəri Slovakiya ilə parlamentlərarası əlaqələrin yüksək səviyyədə olduğunun göstəricisidir.

"Sizinxeber.az" xəbər verir ki, bunu Milli Məclisin sədri Sahibə Qafarova Slovakiya Milli Şurasının sədri Rixard Raşi ilə birgə mətbuat konfransında bildirib.

Sədr qeyd edib ki, ikitərəfli əlaqələrin müxtəlif istiqamətlərinə diqqət yetirdikdə Slovakiya ilə iqtisadi, ticari, enerji və s. sahələrdə geniş əməkdaşlığın olduğu görünür:

"Slovakiya parlamentinin sədri cənab Raşi Azərbaycana səfəri çərçivəsində işğaldan azad olunmuş torpaqlarımıza da səfər edəcək. Bu artıq cənab Raşinin Qarabağa ikinci səfəri olacaq. Hesab edirəm ki, 2022-ci ildən bəri Qarabağda aparılmış yenidənqurma işlərinin miqyası onu müsbət mənada təəccübləndirəcək. Slovakiya parlamentinin nümayəndə heyəti Ağdamın Baş Qərvənd kəndini də ziyarət edəcək. Bilirsiniz ki, bu kəndin tikintisi Slovakiya şirkətləri tərəfindən həyata keçirilir. Biz Qarabağın yenidən qurulmasında Slovakiyanın Azərbaycana dəstəyini yüksək qiymətləndiririk. Və bu kənd işğaldan azad olunmuş torpaqlarda Azərbaycan-Slovakiya dostluğunun bir nümunəsi olacaq".

Oxşar xəbərlər

Azərbaycan və Slovakiya parlamentləri arasında anlaşma memorandumu imzalanıb

Peter Pelleqrini iyulda Azərbaycana səfər edəcək

Rixard Raşi: Azərbaycan və Slovakiya Bakıda əməkdaşlığa dair danışıqlar aparacaq

Rixard Raşi Azərbaycana gəldi

Rixard Raşi Azərbaycana rəsmi səfərə gəlib - YENİLƏNİB