2024-cü ildə İqtisadiyyat Nazirliyi yanında Əmlak Məsələləri Dövlət Xidmətinin tabeliyindəki Daşınmaz Əmlakın Dövlət Kadastrı və Reyestrinin gəlirləri 84,084 milyon manat, xərcləri isə 75,155 milyon manat təşkil edib.

"Sizinxeber.az" Dövlət Xidmətinə istinadən xəbər verir ki, bunlar, 2023-cü illə müqayisədə müvafiq olaraq 38,6 % çox və 0,2 % azdır.

Ötən il Daşınmaz Əmlakın Dövlət Kadastrı və Reyestrinin əsas əməliyyat gəlirləri 80,584 milyon manat (əvvəlki ilə nisbətən 41 % çox), dövlət büdcəsindən verilmiş vəsait üzrə gəlirləri isə 3,5 milyon manat (dəyişməyib) olub.

Hesabat dövründə qurumun istifadə etdiyi material ehtiyatlarının dəyəri 681 min manat (illik müqayisədə 0,3 % az), işçi heyəti üzrə xərcləri 66,396 milyon manat (25,2 % çox), amortizasiya xərcləri 2,846 milyon manat (3,5 % çox), digər əməliyyat xərcləri 4,96 milyon manat (12 % çox), sair əməliyyat xərcləri isə 271 min manat (53,2 dəfə az) təşkil edib.

Oxşar xəbərlər

Daşınmaz Əmlakın Dövlət Kadastrı və Reyestrinin gəlirləri və xərcləri artıb

Əmlak Məsələləri Dövlət Xidmətinin gəlirləri və xərcləri artıb

Auditorlar Palatasının mənfəəti 2 dəfədən çox azalıb

Korporativ İdarəetmənin Təşkili və Koordinasiya Mərkəzi ötən ilin maliyyə hesabatını verib

Daşınmaz Əmlakın Dövlət Kadastrı və Reyestri ötən il 1,5 mln. manat - zərər edib