“Bank Respublika” ABA-nın 5 nominasiya üzrə mükafatına layiq görülüb

Ölkənin aparıcı banklarından biri olan “Bank Respublika” ASC 2024-cü ildə uğurla həyata keçirdiyi sosial yönümlü layihələrinə görə "Azərbaycan Banklar Assosiasiyası" (ABA) İctimai Birliyinin 5 nominasiya üzrə mükafatlarına layiq görülüb.

Mükafatlar ABA-nın 35 illik yubileyi münasibətilə təşkil olunmuş rəsmi tədbir çərçivəsində təqdim olunub. Tədbirdə dövlət nümayəndələri və ölkənin aparıcı maliyyə qurumlarının rəhbər şəxsləri iştirak ediblər.

hər il keçirilən müsabiqədə ölkə banklarının il ərzində həyata keçirdiyi layihələrİ Assosiasiyanın müstəqil ekspert qrupu qiymətləndirir. Bu zaman layihələrin innovativliyi, cəmiyyətə təsiri, davamlılıq strategiyaları və nəticələr əsas meyarlar kimi nəzərə alınır.

2024-cü ildə “Bank Respublika”nın həyata keçirdiyi bütün layihələr yüksək qiymətləndirilərək 5 nominasiya üzrə qalib seçilərək mükafata layiq görülüb:

• Korporativ sosial məsuliyyət;
• Təhsil dəstəkçisi;
• Kiçik və Orta Biznesin maliyyə əlçatanlığının artırılması ilə əlaqədar tədbirlər keçirmiş ABA üzvü;
• Rəqəmsal ödənişlər sahəsində innovativ layihələrin tətbiqi;
• Dayanıqlı bankçılıq üzrə layihələr (ESG);

Bu uğurlar “Bank Respublika”nın ölkənin bank sektorunda aktiv rolu, sosial məsuliyyətə verdiyi önəm və cəmiyyətə yönəlik strategiyalarının nəticəsidir. Bank gələcəkdə də innovativ və inklüziv təşəbbüslərlə fəaliyyətini davam etdirməyi hədəfləyir.

Daha ətraflı məlumatı bankın rəsmi saytında eləcə də facebook, instagram, linkedin, telegram səhifələrində və yaxud Bankın Çağrı Mərkəzinə 144 nömrəsinə zəng edərək əldə edə bilərsiniz.

Oxşar xəbərlər

"Bank of Baku"nun Müşahidə Şurasının sədri Elçin İsayev ABA-nı 35 illiyi münasibətilə təbrik edib

İcbari Sığorta Bürosu beynəlxalq mükafatlara layiq görülüb

İcbari Sığorta Bürosu 3 nüfuzlu beynəlxalq mükafata layiq görülüb

Çappell Ron “Qremmi”də “Ən yaxşı yeni sənətçi” adına layiq görülüb

"Azərbaycan Banklar Assosiasiyası"nın nəzdində yeni ekspert qrupları yaradılıb